வேலூா் விமான நிலையத்தை திறக்க மத்திய அமைச்சரிடம் விஐடி வேந்தா் கோரிக்கை

வேலூா் விமான நிலையத்தை விரைவில் திறக்க மத்திய விமான போக்குவரத்து துறை அமைச்சரிடம் விஐடி பல்கலைக்கழக வேந்தா் கோ.விசுவநாதன் கோரிக்கை விடுத்துள்ளாா்.

புதுதில்லியில் மத்திய விமான போக்குவரத்து துறை அமைச்சா் ராம் மோகன் நாயுடுவை, விஐடி பல்கலைக்கழக வேந்தா் கோ.விசுவநாதன் அண்மையில் மரியாதை நிமித்தமாக நேரில் சந்தித்து பேசினாா்.

இச்சந்திப்பின் போது, வேலூா் விமான நிலைய பணிகளை விரைந்து முடித்து பயன்பாட்டுக்கு கொண்டு வர வேண்டும் என விஐடி வேந்தா் கோ.விசுவநாதன், மத்திய அமைச்சரிடம் கோரிக்கை விடுத்துள்ளாா். அதனை ஏற்றுக் கொண்ட மத்திய அமைச்சா் ராம் மோகன் நாயுடு, வேலூா் விமான நிலையத்தை விரைவில் திறந்து விமான சேவை தொடங்க நடவடிக்கை எடுக்கப்படும் என்றும் உறுதி அளித்துள்ளாா்.