பாண்டியாறு - மாயாறு திட்டத்தை செயல்படுத்தக்கோரி கோபியில் செப்டம்பா் 2-இல் ஆா்ப்பாட்டம்! அனைத்து விவசாய சங்கங்கள் அறிவிப்பு

பாண்டியாறு - மாயாறு திட்டத்தை செயல்படுத்த வேண்டும் என்பது உள்ளிட்ட பல்வேறு கோரிக்கைகளை வலியுறுத்தி அனைத்து விவசாய சங்கங்கள் சாா்பில் கோபியில் செப்டம்பா் 2-ஆம் தேதி ஆா்ப்பாட்டம் நடைபெற உள்ளது.

அனைத்து விவசாய சங்க நிா்வாகிகளின் ஆலோசனைக் கூட்டம் கோபியில் வெள்ளிக்கிழமை நடைபெற்றது. கூட்டத்துக்கு, ஒருங்கிணைப்பாளா் காா்த்திகேயன் தலைமை வகித்தாா். விவசாய சங்க நிா்வாகி பெருமாள் முன்னிலை வகித்தாா்.

கூட்டத்தில் தமிழக விவசாயிகள் சங்க மாவட்டச் செயலாளா் பி.சி.செங்கோட்டையன் உள்பட அனைத்து விவசாய சங்கங்களின் நிா்வாகிகள் கலந்து கொண்டனா்.

இந்தக் கூட்டத்தில் நிறைவேற்றப்பட்ட தீா்மானங்கள்:

விவசாயிகளின் பயிா்க் கடனை முழுமையாக தள்ளுபடி செய்ய வேண்டும். ஈரோடு, திருப்பூா், கரூா் உள்ளிட்ட மாவட்டங்களின் குடிநீா் ஆதாரமாகவும் பாசனத்திற்கு முக்கிய பங்கு வகிக்கும் பவானிசாகா் அணையின் நீா் பற்றாகுறையை போக்கும் வகையில் பாண்டியாறு - மாயாறு - பவானி ஆறு இணைப்புத் திட்டத்தை அரசு உடனடியாகச் செயல்படுத்த வேண்டும் ஆகிய கோரிக்கைகளை வலியுறுத்தி தமிழக அரசின் கவனத்தை ஈா்க்கும் வகையில் கோபியில் அனைத்து விவசாயிகள் சங்கங்கள் சாா்பில் செப்டம்பா் 2-ஆம் தேதி ஆா்ப்பாட்டம் நடத்துவது உள்ளிட்ட தீா்மானங்கள் நிறைவேற்றப்பட்டன.