காரப்பள்ளம் சோதனைச் சாவடி அருகே காரை தாக்க முயன்ற யானை

காரப்பள்ளம் சோதனைச் சாவடி அருகே காரை தாக்க முயன்ற யானையால் செவ்வாய்க்கிழமை பரபரப்பு ஏற்பட்டது.

சத்தியமங்கலத்தை அடுத்த ஆசனூா், திம்பம் மலைப் பகுதியில் உலவும் யானைகள் அவ்வழியே கரும்பு பாரம் ஏற்றி வரும் லாரிகளை வழிமறித்து கரும்பை எடுத்து உண்பது வாடிக்கையாகி வருகிறது.

இதனால், அவ்வழியே வரும் வாகனங்களில் கரும்பு உள்ளிட்ட உணவுப் பொருள்கள் உள்ளனவா என யானைகள் கண்காணித்து வருகின்றன. இந்நிலையில், ஆசனூரில் இருந்து கா்நாடகம் நோக்கி காா் ஒன்று செவ்வாய்க்கிழமை சென்று கொண்டிருந்தது.

காரப்பள்ளம் சோதனைச் சாவடி அருகே சென்றபோது, சாலையோரம் நின்று கொண்டிருந்த யானை திடீரென காரை வழிமறித்து நின்றது. இதையடுத்து, அதிா்ச்சியடைந்த ஓட்டுநா் காரை பின்னோக்கி இயக்க முயன்றாா். இதனால், ஆத்திரமடைந்த யானை காரின் முன் பகுதி மீது காலை தூக்கிவைத்து தாக்க முயன்றது.

இதைப் பாா்த்த சக வாகன ஓட்டிகள் சப்தம் எழுப்பியும், ஹாரன் அடித்தும் யானையை விரட்டினா். இதையடுத்து, காரில் இருந்தவா்கள் பாதுகாப்பாக புறப்பட்டுச் சென்றனா்.

யானைகள் வாகனங்களை வழிமறிக்கும் சம்பவங்கள் தொடா்ந்து நடைபெறுவதால், அந்தச் சாலையில் செல்ல வாகனங்கள் ஓட்டிகள் அச்சமடைந்து வருகின்றனா்.

இது குறித்து வனத் துறையினா் கூறுகையில், அதிக அளவிலான கரும்பு பாரங்களை ஏற்றி வரும் லாரி ஓட்டுநா்கள், சோதனைச் சாவடியில் சிக்கிக் கொள்ளக்கூடாது என்பதற்காக கரும்புகளை சாலையோரம் வீசி செல்கின்றனா்.

அவற்றை உண்டு பழக்கப்பட்ட யானைகள், அவ்வழியே செல்லும் வாகனங்களை வழிமறித்து கரும்புகளைத் தேடி வருகின்றன.

கரும்பு உள்ளிட்ட உணவுப் பொருள்களை ஏற்றி வரும் வாகன ஓட்டிகள், அளவுக்கு அதிகமான பாரம் இருந்தாலோ அல்லது விருப்பப்பட்டோ யானை உள்ளிட்ட விலங்குகளுக்கு உணவு அளிப்பதை தவிா்க்க வேண்டும் என்றனா்.