தெரு நாய்களால் கீழே விழந்த பெண் உயிரிழப்பு

புன்செய் புளியம்பட்டி சாலையில் நடந்து சென்றபோது, தெரு நாய்களால் தடுமாறி கிழே விழுந்த பெண் உயிரிழந்தாா்.

புன்செய் புளியம்பட்டியைச் சோ்ந்தவா் பொன்னையன் மனைவி கிருஷ்ணவேணி (58). இவா் கோவை சாலையில் உள்ள கேவிகே அரசு ஆண்கள் மேல்நிலைப் பள்ளி அருகே கடந்த செப்டம்பா் 21-ஆம் தேதி நடந்து சென்று கொண்டிருந்தாா். அப்போது தெரு நாய்கள் சண்டைபோட்டுக் கொண்டு சாலையில் தாறுமாறாக ஓடி கிருஷ்ணவேணி மீது மோதியதில் அவா் நிலைதடுமாறி கீழே விழுந்தாா். இதில் பலத்த காயமடைந்த அவா் கோவை அரசு மருத்துவமனையில் சிகிச்சை பெற்று வந்த நிலையில், வெள்ளிக்கிழமை உயிரிழந்தாா்.

இது குறித்து புன்செய் புளியம்பட்டி போலீஸாா் வழக்குப் பதிவு செய்து விசாரித்து வருகின்றனா்.