திருப்பூரில் சா்வதேச பின்னலாடை கண்காட்சி தொடங்கியது: செயற்கை இழை ஆடை உற்பத்தி செய்ய இலக்கு

இந்திய சா்வதேச பின்னலாடை சங்கத்தின் (ஐகேஎஃப்ஏ) சாா்பில் 53-ஆவது சா்வதேச பின்னலாடை கண்காட்சி, அவிநாசி அருகே உள்ள அணைப்புதூா் ஐகேஎஃப்ஏ வளாகத்தில் புதன்கிழமை தொடங்கியது.

செயற்கை இழை ஆடைகளில் புதுமை மற்றும் நிலையான வளா்ச்சி மூலமாக ‘ஃபேஷனின் எதிா் காலம்’ என்ற மையக் கருப்பொருளுடன் செப்டம்பா் 16-ஆம் தேதி முதல் 18-ஆம் தேதி வரை 3 நாள்கள் நடைபெறுகிறது. இதில்

செயற்கை இழை ஆடைகளில் புதிய தொழில்நுட்பங்கள், வடிவமைப்புகள், நிலைத்தன்மை மற்றும் சுற்றுச்சூழல் நட்பு உற்பத்தி முறைகள் உள்ளிட்டவை இக்கண்காட்சியில் முக்கியமாக உள்ளன. கண்காட்சியில் திருப்பூருடன் சோ்த்து கோவை, ஈரோடு, கரூா், சென்னை, பெங்களூரு, மும்பை, மொஹாலி, நொய்டா, லூதியானா உள்ளிட்ட முக்கிய ஜவுளி உற்பத்தி மையங்களைச் சோ்ந்த ஆடை தயாரிப்பாளா்கள் மற்றும் ஏற்றுமதியாளா்கள் 50 அரங்குகளை அமைத்துள்ளனா்.

மேலும் பின்னலாடைத் துறையில் ஈடுபட்டுள்ள உற்பத்தியாளா்கள், ஏற்றுமதியாளா்கள், வடிவமைப்பாளா்கள் மற்றும் வணிகா்களுக்கு புதிய தொழில்நுட்பங்களை அறிந்துகொள்ளவும், சந்தை வாய்ப்புகளை விரிவுபடுத்தவும், வணிகத் தொடா்புகளை வலுப்படுத்தவும் முக்கிய மேடையாக இக்கண்காட்சி அமையும் என எதிா்பாா்க்கப்படுகிறது.

கண்காட்சியை ஏஇபிசி மற்றும் இந்தியா நிட்ஃபோ் சங்கத் தலைவா் ஆ.சக்திவேல் தொடங்கிவைத்தாா்.

பின்னா் செய்தியாளா்களிடம் அவா் கூறியதாவது:

பருத்தி ஆடை உற்பத்தியில் இருந்து செயற்கை இழை ஆடை உற்பத்திக்கு திருப்பூா் தயாராக வேண்டும். இந்தியா தற்போது 38 நாடுகளுடன் செய்துகொண்டுள்ள தடையில்லா வா்த்தக ஒப்பந்தங்கள், ஆடை ஏற்றுமதியாளா்களுக்கு உலக அளவில் மிகப்பெரிய வாய்ப்புகளை ஏற்படுத்தியுள்ளன. சமீபத்தில் அமலுக்கு வந்த இந்தியா-இங்கிலாந்து ஒப்பந்தம் மற்றும் விரைவில் கையெழுத்தாகவுள்ள ஐரோப்பிய யூனியன் உடனான ஒப்பந்தம் ஆகியவை மூலமாக 65 சதவீத சந்தையை இந்திய ஜவுளித் துறை எளிதில் சென்றடைய வழிவகுக்கும்.

எனவே, இதுவரையில்லாத வகையில் இக்கண்காட்சி உலக வா்த்தகா்களின் கவனத்தை ஈா்க்கும் வகையில் இருக்கும் என்றாா்.

திருப்பூா் ஏற்றுமதியாளா்கள் சங்கத் தலைவா் கே.எம்.சுப்பிரமணியம் பேசும்போது, ‘வருங்கால தேவைக்கேற்ப திருப்பூரில் 2030-க்குள் 50 சதவீத செயற்கை இழை ஆடை உற்பத்தி செய்ய இலக்கு நிா்ணயித்து செயல்படுகிறோம்’என்றாா்.