மின்வேலியில் சிக்கி இளைஞா் உயிரிழப்பு

தருமபுரி மாவட்டம், ஏரியூா் அருகே அனுமதியின்றி காட்டுப்பன்றிகளுக்காக அமைக்கப்பட்ட மின்வேலியில் சிக்கி இளைஞா் வியாழக்கிழமை உயிரிழந்தாா்.

ஏரியூா் அருகே கூா்க்காம்பட்டி பகுதியில் இளைஞா் ஒருவா் இறந்து கிடப்பதாக ஏரியூா் போலீஸாருக்கு தகவல் கிடைத்தது. இதையடுத்து, நிகழ்விடத்துக்குச் சென்ற போலீஸாா் இளைஞரின் உடலை மீட்டு, பிரேத பரிசோதனைக்காக தருமபுரி அரசு மருத்துவக் கல்லூரி மருத்துவமனைக்கு அனுப்பிவைத்தனா்.

பின்னா், போலீஸாா் நடத்திய விசாரணையில், உயிரிழந்தவா் ஏரியூா் அருகே கூா்க்காம்பட்டி பகுதியைச் சோ்ந்த வெள்ளையன் மகன் ஸ்ரீதா் (24) என்பதும், கடந்த 29-ஆம் தேதி காணாமல் போன நிலையில், வீட்டின் அருகே உள்ள நிலக்கடலைத் தோட்டத்தில் காட்டுப்பன்றிகளுக்காக அனுமதியின்றி அமைக்கப்பட்ட மின்வேலியில் சிக்கி உயிரிழந்ததும் தெரியவந்தது.

இதுகுறித்து ஏரியூா் போலீஸாா் வழக்குப் பதிவு செய்து விசாரணை நடத்தி வருகின்றனா். மேலும், தலைமறைவாக உள்ள மின்வேலி அமைத்த நபரை போலீஸாா் தீவிரமாகத் தேடி வருகின்றனா்.