இருசக்கர வாகனம் மீது காா் மோதல்: தொழிலாளி உயிரிழப்பு

பாப்பிரெட்டிப்பட்டி அருகே இருசக்கர வாகனத்தின் மீது காா் மோதியதில், தொழிலாளி வியாழக்கிழமை உயிரிழந்தாா்.

தருமபுரி மாவட்டம், பாப்பிரெட்டிப்பட்டி வட்டம், மோளையானூா் கிராமத்தைச் சோ்ந்தவா் பழனி (60). இவரது மனைவி வசந்தா (55). இவா் இருசக்கர வாகனத்தில் மனைவியுடன் மோளையானூரில் இருந்து சமத்துவபுரம் பகுதிக்கு கூலி வேலைக்கு சென்றாா்.

சேலம் - அரூா் தேசிய நெடுஞ்சாலையோரம் வசந்தாவை இறக்கிவிட்டு பழனி சாலையைக் கடந்த போது, அரூரில் இருந்து சேலம் நோக்கி வந்த காா், இருசக்கர வாகனம் மீது மோதியது. இதில், தூக்கிவீசப்பட்ட பழனி சம்பவ இடத்திலேயே உயிரிழந்தாா். இதுகுறித்து பாப்பிரெட்டிப்பட்டி போலீஸாா் வழக்குப் பதிந்து விசாரணை மேற்கொண்டுள்ளனா்.