மனைவி அளித்த புகாரில் காவலா் கைது

ஒசூரில் மனைவி அளித்த புகாரின் பேரில், காவலரை போலீஸாா் கைது செய்தனா்.

கிருஷ்ணகிரி மாவட்டத்தில் உள்ள மகாராஜா கடை காவல் நிலையத்தில் பணிபுரிந்து வந்த கலைச்செல்வன் (35), மீது கடந்த சில வாரங்களுக்கு முன்பு இளம்பெண் ஒருவா் புகாா் அளித்தாா். அதன் அடிப்படையில், அவா் தற்காலிகமாக பணிநீக்கம் செய்யப்பட்டாா்.

இந்நிலையில், குடும்பப் பிரச்னை காரணமாக விஷம் குடித்த இவரது மனைவி காவலரான தமிழ்ச்செல்வி தனியாா் மருத்துவமனையில் அனுமதிக்கப்பட்டாா். இந்நிலையில், தமிழ்ச்செல்வி அளித்த புகாரின் பேரில் கலைச்செல்வனை மாநகர போலீஸாா் சனிக்கிழமை கைது செய்தனா்.