622 இடங்களில் விநாயகர் சிலை வைக்க அனுமதி

நாமக்கல் மாவட்டத்தில் 622 இடங்களில் விநாயகர் சிலை வைக்க போலீஸார் அனுமதி வழங்கியுள்ளனர். 
நாமக்கல் மாவட்டத்தில் விநாயகர் சதுர்த்தி விழா வியாழக்கிழமை கொண்டாடப்படுகிறது. நாமக்கல் நகரின் பல இடங்களில் சதுர்த்தியையொட்டி விநாயர் சிலைகள் விற்பனை செய்யப்பட்டு வருகின்றன. அரை அடி முதல் 6 அடி உயரம் கொண்ட சிலைகள் விற்பனைக்குக் கிடைக்கிறது. பொதுமக்கள் சிலைகளை ஆர்வத்துடன் வாங்கிச்
செல்கிறார்கள்.
மாவட்டம் முழுவதும் பல்வேறு இடங்களில் இந்து முன்னணி மற்றும் பல்வேறு  அமைப்புகள் சார்பில் 622 இடங்களில் விநாயகர் சிலைகள் வைக்க போலீஸார்  அனுமதி அளித்துள்ளனர். அரசு விதிமுறைப்படி சிலைக்குப் பாதுகாப்பு ஏற்பாடுகளை செய்ய வேண்டும் என சிலை அமைப்பாளர்களிடம் போலீஸார்
அறிவுறுத்தியுள்ளனர்.