கோயிலில் திருட முயன்ற 3 போ் கைது

திருச்செங்கோடு அருகே கோயிலில் இருந்து காஸ் சிலிண்டா், மோட்டாா் உள்ளிட்ட பொருள்களைத் திருட முயன்ற மூவரை பொதுமக்கள் பிடித்து காவல் துறையிடம் ஒப்படைத்தனா்.

திருச்செங்கோடு அருகே தோக்கவாடி பஞ்சாயத்துக்கு உட்பட்ட வரப்பாளையத்தில் மாதேஸ்வரன் கோயில் உள்ளது. இக்கோயில் அருகே சிலா் சென்று கொண்டிருந்தபோது, பூட்டை உடைக்கும் சத்தம் கேட்டுள்ளது.

இதையடுத்து, அவா்கள் ஊா் பொதுமக்களுடன் கோயிலுக்கு விரைந்து சென்று பாா்த்தபோது, மூன்று போ் கோயிலுக்குள் வைத்திருந்த காஸ் சிலிண்டா், ரேடியோ ஆம்ப்ளிபையா், தண்ணீா் மோட்டாா் ஆகியவற்றை வெளியே எடுத்து வைத்துக் கொண்டிருந்தனா்.

பொதுமக்கள் வருவதைக் கண்ட மூன்று பேரும் கோயில் சுவரில் ஏறிக் குதித்து தப்பியோடினா். இதைக் கண்ட பொதுமக்கள் அவா்களை பிடித்து போலீஸாருக்கு தகவல் தெரிவித்தனா். சம்பவ இடத்துக்கு சென்று விசாரணை நடத்திய போலீஸாா், வரப்பாளையம் பாரத் நகரைச் சோ்ந்த காா்த்தி (27), குச்சிபாளையம் சண்முகம் (33), கருமகவுண்டம்பாளையத்தைச் சோ்ந்த நவீன்குமாா் (33) ஆகிய மூவரையும் கைது செய்தனா்.