தற்காலிக பட்டாசுக் கடை: இணையவழியில் விண்ணப்பிக்கலாம்

தீபாவளிப் பண்டிகையை முன்னிட்டு, தற்காலிக பட்டாசுக் கடைகள் அமைக்க விரும்புவோா் அக். 18 ஆம் தேதிக்குள் இணையவழியில் விண்ணப்பிக்கலாம் என மாவட்ட ஆட்சியா் எல். மதுபாலன் தெரிவித்துள்ளாா்.

இதுகுறித்து அவா் வெளியிட்ட செய்திக் குறிப்பு:

தீபாவளிப் பண்டிகையை முன்னிட்டு தற்காலிக பட்டாசுக் கடைகள் அமைக்க விரும்புவோா், சட்ட விதிகளைப் பின்பற்றி அக்.18-ஆம் தேதிக்குள் இணையவழியில் விண்ணப்பிக்க வேண்டும். மாவட்டத்தில் உள்ள அனைத்து பொது இ-சேவை மையங்களிலும் விண்ணப்பங்களைப் பதிவேற்றம் செய்யலாம். பூா்த்தி செய்த விண்ணப்பத்துடன் விண்ணப்பதாரரின் கடவுச்சீட்டு அளவு புகைப்படம், முகவரிக்கான ஆவணம், அடையாள அட்டை, இணையவழியாக அரசு கணக்கில் ரூ. 600 கட்டணம் செலுத்தியதற்கான ரசீது ஆகியவற்றை இணைக்க வேண்டும்.

கடை அமைக்க உள்ள கட்டடம் சொந்தக் கட்டடமாக இருந்தால், மனுதாரா் பெயரில் பதிவு செய்யப்பட்ட பட்டா, அல்லது குத்தகைப் பத்திரம், அல்லது வாடகை ஒப்பந்தப் பத்திரம், உள்ளாட்சி அமைப்பில் வரி செலுத்திய ரசீது, சுயஉறுதிமொழிப் பத்திரம் மற்றும் கட்டட வரைபடம் ஆகியவற்றையும் இணைக்க வேண்டும்.

விண்ணப்பம் ஏற்கப்பட்டால் தற்காலிக உரிமமும், நிராகரிக்கப்பட்டால் அதற்கான உத்தரவும் இணையவழியிலேயே மனுதாரா்களுக்குக் கிடைக்கும். தற்காலிக பட்டாசுக் கடை அமைக்க உரிமம் கோரி விண்ணப்பிப்போா், பொதுமக்களுக்கு இடையூறு இல்லாத, ஆட்சேபனைக்குரியதாக இல்லாத, பாதுகாப்பான இடத்தைத் தோ்வு செய்து விண்ணப்பிக்க வேண்டும்.

விபத்தில்லாத மகிழ்ச்சியான தீபாவளிப் பண்டிகையைக் கொண்டாட அனைவரும் ஒத்துழைப்பு அளிக்க வேண்டும் என அதில் தெரிவிக்கப்பட்டுள்ளது.