திருமண விழாவில் மணமகன் தந்தை மாரடைப்பால் சாவு

உசிலம்பட்டி அருகே புதன்கிழமை  நடைபெற்ற திருமண விழாவில், மணமகன் தந்தை மாரடைப்பால் உயிரிழந்த சம்பவம் விஷேச வீட்டினரை சோகமாக்கியது.
உசிலம்பட்டி அருகே உள்ள உத்தப்பநாயக்கனூரில் உள்ள தனியார் திருமண மண்டபத்தில் ஆனந்தகுமார்- கமலி ஆகியோருக்கு புதன்கிழமை திருமணம் நடைபெற்றது.
இதில், மணமகன், மணமகளின் கழுத்தில் தாலி கட்டி முடித்த உடன் ஆனந்தகுமாரின், தந்தை மொன்டிக்குண்டுவைச் சேர்ந்த தவசித்தேவர் (52), கீழே விழுந்தார்.உடனடியாக அவர் அருகே சென்று பார்த்தனர். அப்போது, தவசித்தேவர் மாரடைப்பால் உயிரிழந்தது தெரியவந்தது. மகனின் திருமணத்தின் நாள் அன்றே தந்தை இறந்ததால், திருமண நிகழ்ச்சி சோகமாக மாறியது.