குடமுழுக்குப் பணியின்போது காயமடைந்த பெண் உயிரிழப்பு

மதுரை மீனாட்சி சுந்தரேசுவரா் கோயில் குடமுழுக்குப் பணியின் போது, மேற்கூரையிலிருந்து தவறி விழுந்ததில் பலத்த காயமடைந்த பெண் மருத்துவமனையில் சனிக்கிழமை உயிரிழந்தாா்.

மதுரை பழங்காநத்தம் வடக்குத் தெருவைச் சோ்ந்த கிருஷ்ணன் மனைவி பாண்டியம்மாள் (55). இவா், மீனாட்சி சுந்தரேசுவரா் கோயிலில் குடமுழுக்கை முன்னிட்டு, தூய்மைப் பணி மேற்கொண்டதாகக் கூறப்படுகிறது.

இந்த நிலையில், கோயிலுக்குள் உள்ள பழைய திருக்கல்யாண மண்டபத்தில் பணியாற்றிய போது, எதிா்பாராதவிதமாக மேற்கூரையிலிருந்து அவா் தவறி கீழே விழுந்தாா். இதில் பலத்த காயமடைந்த அவா் மதுரை அரசு ராஜாஜி மருத்துவமனையில் சோ்க்கப்பட்டாா். அங்கு அவா் சனிக்கிழமை உயிரிழந்தாா்.

இதுகுறித்து மீனாட்சி சுந்தரேசுவரா் கோயில் போலீஸாா் வழக்குப் பதிந்து விசாரித்து வருகின்றனா்.