குவாரி அனுமதியை ரத்து செய்யக் கோரி தென்பழஞ்சி விவசாயிகள் ஆட்சியரிடம் மனு

மதுரை மாவட்டம், தென்பழஞ்சி கிராமப் பகுதியில் செயல்பட்டு வரும் குவாரியின் அனுமதியை ரத்து செய்ய வேண்டுமெனக் கோரி அந்தப் பகுதி மக்கள், விவசாயிகள் மாவட்ட ஆட்சியா் நிஷாந்த் கிருஷ்ணாவிடம் புதன்கிழமை மனு அளித்தனா்.

அவா்கள் அளித்த மனு விவரம்:

தென்பழஞ்சி கிராமத்தில் வசிக்கும் பெரும்பாலானவா்கள் வேளாண்மை, அதனுடன் தொடா்புடைய கால்நடை வளா்ப்பை மட்டுமே முதன்மைத் தொழிலாக செய்து வருகின்றனா். குறிப்பாக, பால் உற்பத்தியில் மாவட்டத்தில் முன்னோடி கிராமமாக தென்பழஞ்சி விளங்கி வருகிறது. இந்த நிலையில், எங்கள் கிராமப் பகுதியைச் சுற்றி ஏராளமான கல்குவாரிகள் செயல்பட்டு வருகின்றன. அவற்றுள் சில குவாரிகள் முறையான அனுமதியின்றியும், அனுமதிக்கப்பட்ட அளவை விட கூடுதலாகவும் கற்களை வெட்டி எடுத்து வருகின்றன. இதனால், நிலத்தடி நீா்மட்டம் குறைவது மட்டுமன்றி சுற்றுச்சூழலும் பாதிக்கப்படுகிறது. இதுகுறித்து சம்பந்தப்பட்ட துறை அலுவலா்களிடம் பலமுறை புகாா் அளித்தும், இதுவரை எந்தவித நடவடிக்கையும் எடுக்கப்பட வில்லை.

எனவே, மாவட்ட நிா்வாகம் உரிய நடவடிக்கை எடுத்து, ஏற்கெனவே செயல்பட்டு வரும் குவாரிகளை கண்காணிக்கவும், புதிய குவாரிகளுக்கு வழங்கப்பட்ட அனுமதியை ரத்து செய்யவும் உத்தரவிட வேண்டும் என அதில் குறிப்பிடப்பட்டது.