சொந்த செலவில் கண்மாயை  தூர்வாரிய இளைஞர்கள்

திருவாடானை அருகே  கங்கானேந்தல் கிராமத்தில் கண்மாயில் வளர்ந்த சீமைக்கருவேல மரங்களை கிராம இளைஞர்கள் தங்களது சொந்த செலவில் அகற்றினர்.
திருவாடானை அருகே கங்கானேந்தல் கிராமத்தில் சுமார் 100-க்கும் மேற்பட்ட குடும்பங்கள் வசித்து வருகின்றனர். இங்கு சுமார் 400 ஏக்கர் நிலப்பரளவிற்கு பாசன வசதி கொண்ட கண்மாய் உள்ளது. இதில் சீமை கருவேல மரங்கள் அடர்ந்து காடு போல் வளர்ந்து இருந்தன. இன்னும் சில நாட்களில் மழை காலம் தொடங்கி விடும் என்பதால் கருவேலமரங்களை  அகற்றுமாறு பல முறை அதிகாரிகளுக்கு மனுக் கொடுத்தும் எந்தவித நடவடிக்கையும் எடுக்கவில்லையாம். 
இந்நிலையில் புதன் கிழமை கிராமத்தில் உள்ள இளைஞர்கள் தங்களது சொந்த செலவில் கண்மாயில் இருந்த சீமை கருவேல மரங்களை பொக்லைன் இயந்திரம் கொண்டு அகற்றினர்.