ராமேசுவரம் கோயிலில் மூதாட்டியிடம் 5 பவுன் நகை திருட்டு

ராமேசுவரம் கோயிலில் செவ்வாய்க்கிழமை புனித தீர்த்தங்களில் நீராடியபோது மூதாட்டியிடம் 5 பவுன் நகை திருடப்பட்டுள்ளது. 
சென்னை வில்லிவாக்கம் ரஜினி நகர் பகுதியை சேர்ந்த ராமன் மனைவி வசந்தா (73). உறவினர்களுடன் ராமேசுவரம் ராமநாதசுவாமி கோயிலுக்கு வந்திருந்தார். அங்கு உள்ள புனித தீர்த்தங்களில் நீராடிக்கொண்டிருந்த போது கழுத்தில் அணிந்திருந்த 5 பவுன் நகையை மர்ம நபர் திருடிச் சென்றுவிட்டார். 
இது குறித்து வசந்தா அளித்த புகாரின் பேரில் கோயில் காவல் நிலையப் போலீஸார் வழக்குப் பதிவு செய்து விசாரணை மேற்கொண்டு வருகின்றனர்.