விநாயகர் சதுர்த்தி விழா: மாட்டு வண்டி பந்தயம்

விநாயகர் சதுர்த்தியை முன்னிட்டு, கமுதி அருகே மாட்டு வண்டி பந்தயம் வியாழக்கிழமை நடைபெற்றது.
      ராமநாதபுரம் மாவட்டம், கமுதி அருகே பெருநாழியில் இரண்டு பிரிவுகளாக நடைபெற்ற இந்த பந்தயத்தில், பெருநாழி-சாயல்குடி சாலையில் 12 கி.மீ. தொலைவு எல்லையாக நிர்ணயிக்கப்பட்டிருந்தது.
    இதில்,  ராமநாதபுரம், தூத்துக்குடி, திருநெல்வேலி, மதுரை, விருதுநகர், சிவகங்கை, தேனி உள்ளிட்ட தென் மாவட்டங்களிலிருந்து 25 மாட்டு வண்டிகள், பந்தய வீரர்கள் பங்கேற்றனர். 
   மேலும், இதுவரை எந்தவொரு மாட்டு வண்டி பந்தயத்திலும் பங்கேற்காத காளைகள் கலந்துகொண்டன.
     பந்தயத்தில், வெற்றி பெற்ற வீரர்கள் மற்றும் காளைகளுக்கு ரொக்கம், செல்லிடப்பேசி, பீரோ உள்ளிட்ட பரிசுப் பொருள்கள் வழங்கப்பட்டன. பந்தய ஏற்பாடுகளை, விநாயகர் சதுர்த்தி விழாக் குழுவினர் செய்திருந்தனர்.