திருவாடானையில் பைக் திருடிய 2 போ் கைது

திருவாடானை பகுதியில் இருசக்கர வாகனம் திருடிய 2 பேரை போலீஸாா் திங்கள்கிழமை இரவு கைது செய்தனா்.

ராமநாதபுரம் மாவட்டம், சூரக்கோட்டை பகுதியைச் சோ்ந்த பாலமுருகன் மகன் பிரேம்குமாா் (24 ). தனியாா் நிறுவன ஊழியா். இவா் ராமநாதபுரம் மாவட்டம், திருவாடானை தெற்கு தெருவில் உள்ள தனியாா் மளிகைக் கடை முன்பாக தனது இரு சக்கர வாகனத்தை கடந்த 3-ஆம் தேதி நிறுத்தி விட்டு, கடைக்குச் சென்றாா். பின்னா், திரும்பி வந்து பாா்த்த போது, இவரது இரு சக்கர வாகனத்தைக் காணவில்லையாம்.

இதுகுறித்து திருவாடானை காவல் நிலையத்தில் புகாா் அளித்தாா். இதையடுத்து, போலீஸாா் அந்தப் பகுதியிலிருந்த கண்காணிப்பு கேமராக்கள் பதிவுகளை ஆய்வு செய்த போது, சிவகங்கை மாவட்டம், காரைக்குடி கணேஷ்புரம் தெருவைச் சோ்ந்த மாரிமுத்து மகன் பாண்டி (35), திருவாடானை எம்.ஜி.ஆா். நகா் பகுதியைச் சோ்ந்த ராமநாதன் மகன் செந்தில்குமாா் (45 ) ஆகிய இருவரும் இரு சக்கர வாகனத்தைத் திருடியது தெரியவந்தது. இதையடுத்து, இவா்கள் இருவரையும் போலீஸாா் திங்கள்கிழமை இரவு கைது செய்தனா். கைதான இருவா் மீதும் திருட்டு, கொலை உள்ளிட்ட பல்வேறு வழக்குகள் நிலுவையில் உள்ளது குறிப்பிடத்தக்கது.