கிராவல் மண் கடத்திய டிராக்டா் ஓட்டுநா் கைது

தேனி மாவட்டம், கடமலைக்குண்டு அருகே கிராவல் மண் கடத்திய டிராக்டா் ஓட்டுநரை போலீஸாா் செவ்வாய்க்கிழமை கைது செய்தனா்.

கடமலைக்குண்டு பகுதியில் அரசின் அனுமதி பெறமால் சட்ட விரோதமாக லாரிகள் கிராவல் மண் கடத்தப்படுவதாக போலீஸாருக்கு தகவல் கிடைத்தது. இதையடுத்து, கடமலைக்குண்டு போலீஸாா் செவ்வாய்க்கிழமை அந்தப் பகுதியில் ரோந்துப் பணியில் ஈடுபட்டனா். அப்போது, அந்த வழியாக வந்த டிராக்டரை நிறுத்தி போலீஸாா் சோதனையிட்டனா். அப்போது, சட்டவிரோதமாக கிராவல் மண் எடுத்துச் சென்றது தெரியவந்தது.

இதுகுறித்து கடமலைக்குண்டு போலீஸாா் வழக்குப் பதிந்து, முத்தாலம்பாறைச் சோ்ந்த டிராக்டா் ஓட்டுநா் சிங்கத்தை (55) கைது செய்து, டிராக்டரை பறிமுதல் செய்தனா்.