ஊட்டச் சத்து வார விழா

மன்னார்குடி அருகேயுள்ள கோட்டூரில் ஒருங்கிணைந்த குழந்தைகள் வளர்ச்சித் திட்டப் பணிகள் சார்பில், தேசிய ஊட்டச் சத்து வாரவிழா அண்மையில் நடைபெற்றது.
கோட்டூர் வட்டார திட்ட ஒருங்கிணைப்பாளர் பா. அபிநயா தலைமையில் நடைபெற்ற விழாவில், ஊட்டச்சத்து குறித்த  விழிப்புணர்வை ஏற்படுத்தும் வகையில், அங்கான்வாடி பணியாளர்களால் நாடகம், கோலாட்டம் ஆகியவை நடைபெற்றது. ஊட்டச்சத்து நிறைந்த உணவுப் பொருள்கள் கண்காட்சிக்கு வைக்கப்பட்டிருந்தது.
இதில், பள்ளி ஆசிரியர்கள், மருத்துவ அலுவலர்கள், செவிலியர்கள், வளர் இளம்பெண்கள், கர்ப்பிணிகள் பங்கேற்றனர்.