மத்திய பல்கலைக்கழக மாணவர்கள் தூய்மை விழிப்புணர்வு பேரணி

திருவாரூர் சேந்தமங்கலத்தில் மத்திய பல்கலைக்கழகத்தின் நூலகம் மற்றும் தகவல் அறிவியல் துறை சார்பில், தூய்மைப் பேரணி புதன்கிழமை நடைபெற்றது.
பேரணியை பல்கலைக்கழகத்தின் துணைவேந்தர் ஏ.பி. தாஷ் கொடியசைத்து தொடங்கி வைத்தார். நிகழ்ச்சிக்கு, பதிவாளர் எஸ். புவனேஷ்வரி தலைமை வகித்தார். நூலகம் மற்றும் தகவல் அறிவியல் துறையின் தலைவர் எஸ். ரவி முன்னிலை வகித்தார்.
பேரணியில் பிளாஸ்டிக்கை தவிர்ப்பது, நீர் சிக்கனம், திறந்த நீர்ப்பாசனம், பசுமை பாதுகாப்பு உள்ளிட்ட தலைப்புகளில் வாசகங்களை கொண்ட பதாகைகளை கையில் ஏந்தி, கோஷங்களை எழுப்பியபடி மாணவ, மாணவியர் சென்றனர். பின்னர், அப்பகுதி மக்களிடையே சுகாதாரம், தூய்மை குறித்து விளக்கப்பட்டது.