மாவட்ட போட்டிகளில் வெற்றி பெற்ற மாணவர்களுக்குப் பாராட்டு

திருவாரூரில் நடைபெற்ற மாவட்ட அளவிலான விளையாட்டுப் போட்டிகளில் வெற்றி பெற்ற வ.சோ. ஆண்கள் மேல்நிலைப்பள்ளி மாணவர்களுக்கு செவ்வாய்க்கிழமை பாராட்டு தெரிவிக்கப்பட்டது.
திருவாரூரில் மாவட்ட அளவில் நடைபெற்ற கைப்பந்து, மேஜை பந்து, வளைகோல் பந்து, எறிபந்து, கேரம், தடகளம் ஆகிய அனைத்துப் போட்டிகளிலும், வ.சோ. ஆண்கள் மேல்நிலைப்பள்ளி மாணவர்கள் மேல்நிலைப் பிரிவில் முதலிடமும், உயர்நிலைப் பிரிவில் இரண்டாமிடமும் பெற்றுள்ளனர். 
இதன்மூலம் மண்டல அளவில் நடைபெறவுள்ள குழு மற்றும் தடகள விளையாட்டுப் போட்டிகளில் பங்கேற்கத் தகுதி பெற்றுள்ளனர். 
வெற்றி பெற்ற மாணவர்களையும், பயிற்சி அளித்த உடற்கல்வி இயக்குநர், உடற்கல்வி ஆசிரியர்களையும், பள்ளித் தாளாளர் வடுகநாதன், தலைமை ஆசிரியர் ஜீவானந்தம், உதவி தலைமை ஆசிரியர்கள் உள்ளிட்டோர் பாராட்டினர்.