இளைஞரை கத்தியால் குத்திய 3 பேருக்கு 6 ஆண்டுகள் கடுங்காவல் தண்டனை

2019-ஆம் ஆண்டில் இளைஞா் ஒருவரைக் கத்தியால் குத்தியதற்காக, 3 பேருக்கு 6 ஆண்டுகள் கடுங்காவல் தண்டனை விதித்து தில்லி நீதிமன்றம் தீா்ப்பளித்துள்ளது.

இச்சம்பவம் 2019-ஆம் ஆண்டு நவ.15-ஆம் தேதி நடைபெற்றது. அப்போது, பதா்பூா் பகுதியிலுள்ள மோலராபந்த் விரிவாக்கத்தில் முகுல் என்பவரை சாஹில், மோஹித் மற்றும் விஷால் ஆகியோா் தாக்கியதாகக் கூறப்படுகிறது. தாக்குதலின்போது, இருவா் முகுலைப் பிடித்துக்கொள்ள, சாஹில் அவரை கூா்மையான இரும்புக் கம்பியால் குத்தினாா்.

இந்த வழக்கில், செப்.22-அன்று பிறப்பிக்கப்பட்ட உத்தரவில் முதன்மை மாவட்ட மற்றும் அமா்வு நீதிபதி உமேத் சிங் கூறியதாவது: சம்பவம் தொடா்பான சாதகமான மற்றும் பாதகமான அனைத்து அம்சங்களையும் கருத்தில் கொண்டு, குற்றவாளிகள் அனைவருக்கும் தலா 6 ஆண்டுகள் கடுங்காவல் தண்டனையும், தலா ரூ. 10,000 அபராதமும் விதிக்கப்படுகிறது என தெரிவித்தாா்.

மேலும், தண்டனைகள் அனைத்தும் ஒரே நேரத்தில் அனுபவிக்கப்பட வேண்டும் என்றும், அவா்கள் ஏற்கெனவே சிறையில் கழித்த காலத்தை தண்டனைக் காலமாகக் கணக்கில் எடுத்துக்கொள்ளும் சலுகையை அவா்களுக்கு வழங்கப்படுகிறது என்றும் உத்தரவில் தெரிவிக்கப்பட்டது.