குழந்தையிடம் நகை திருட்டு: இளைஞா் கைது

கன்னியாகுமரி மாவட்டம் கருங்கல் அருகே குறும்பனை பகுதியில் குழந்தையின் ஒன்றரை பவுன் தங்கச் சங்கிலியைத் திருடியதாக இளைஞரை போலீஸாா் வியாழக்கிழமை கைது செய்தனா்.

குறும்பனை, அந்தோணி தெரு பகுதியைச் சோ்ந்த ஆல்பா்ட் மனைவி விமலா (42). இவா் கடந்த திங்கள்கிழமை இரவு வீட்டு ஜன்னலை திறந்துவைத்து, தனது ஒன்றரை வயதுக் குழந்தையுடன் தூங்கிக் கொண்டிருந்தாராம். அப்போது, குழந்தையின் கழுத்தில் கிடந்த ஒன்றரை பவுன் தங்கச் சங்கிலியை மா்ம நபா் ஜன்னல் வழியாகத் திருடிச் சென்றாராம்.

புகாரின்பேரில், கருங்கல் போலீஸாா் வழக்குப் பதிந்தனா். கண்காணிப்பு கேமரா பதிவுகளை ஆய்வு செய்தபோது, இச்செயலில் ஈடுபட்டது அழிக்கால் பகுதியைச் சோ்ந்த ரவி மகன் ரெக்சன் (23) எனத் தெரியவந்தது. அவரை போலீஸாா் கைது செய்தனா்.