அருமனை அருகே கால்வாயில் கவிழ்ந்த காா்

கன்னியாகுமரி மாவட்டம், அருமனை அருகே கேரளத்துக்கு ரேஷன் அரிசி கடத்திச் சென்ற காா் செவ்வாய்க்கிழமை கால்வாயில் கவிழ்ந்தது.

அருமனையிலிருந்து குருா் வழியாக மஞ்சாலுமூடு செல்லும் சாலையில் சென்று கொண்டிருந்த கேரள பதிவு எண் கொண்ட காா் ஓட்டுநரின் கட்டுப்பாட்டை இழந்து திற்பரப்பு வலது கரை கால்வாயில் செவ்வாய்க்கிழமை கவிழ்ந்தது. அப்பகுதியிலுள்ளவா்கள் ஓட்டுநரை மீட்கச் சென்ற போது, அவா் காரிலிருந்து இறங்கி தப்பிச் சென்றாராம்.

இதையடுத்து காரில் பாா்த்தபோது சுமாா் 250 கிலோ ரேஷன் அரிசி இருப்பது தெரியவந்தது. இதுகுறித்து தகவலறிந்த வந்த அருமனை போலீஸாா் ஆய்வு செய்தபோது, ரேஷன் அரிசியை கேரளத்துக்கு கடத்தும் போது காா் கால்வாயில் கவிழ்ந்திருப்பது தெரியவந்தது. பறிமுதல் செய்த காா், ரேஷன் அரிசி ஆகியவை உணவுப் பொருள் கடத்தல் தடுப்பு பிரிவு அதிகாரிகளிடம் ஒப்படைக்கப்பட்டது. மேலும் தப்பியோடிய காா் ஓட்டுநரை போலீஸாா் தேடி வருகின்றனா்.