மீனவா் உயிரிழப்பில் சந்தேகம்: மனைவி புகாா்

குளச்சல் அருகே முட்டம் கடற்கரைப் பகுதியில் உயிரிழந்த நிலையில் மீட்கப்பட்ட மீனவா் உயிரிழப்பில் சந்தேகம் இருப்பதாக அவரது மனைவி குளச்சல் கடலோர போலீஸில் புகாா் தெரிவித்துள்ளாா்.

முட்டம் மீன்பிடி துறைமுகம் பகுதி அருகே கடந்த 28 ஆம் தேதி கரை ஒதுங்கி சடலத்தை கைப்பற்றி

குளச்சல் கடலோர பாதுகாப்பு போலீஸாா் விசாரணை மேற்கொண்டனா். அப்போது உயிரிழந்தவா் கடியப்பட்டணம் தாமஸ் தெருவைச் சோ்ந்த ஆன்றணி ஷாஜி (43) என்பதும், மீன் பிடிக்கச் சென்றவா் கரைக்கு திரும்பாததும் தெரியவந்தது. இந்நிலையில் உயிரிழந்த ஆன்றணி ஷாஜியின் உடல்கூறாய்வில் காயங்கள் இருப்பது சுட்டி காட்டப்பட்டது.

இதையடுத்து மீனவா் சாவில் சந்தேகம் இருப்பதாக அவரது மனைவி கொடுத்த புகாரின் பேரில் கடலோர பாதுகாப்பு போலீஸாா் வழக்குப்பதிந்து, 2 பேரை பிடித்து விசாரணை நடத்தி வருகின்றனா்.