அக்குபஞ்சர், அக்குபிரஷர் தெரபிஸ்ட்  பட்டயப் படிப்பில் சேர வாய்ப்பு

அக்குபஞ்சர்,  அக்குபிரஷர் தெரபிஸ்ட் பட்டயப் படிப்புகளுக்கு விண்ணப்பிக்கலாம் என தெரிவிக்கப்பட்டுள்ளது.
  இதுதொடர்பாக பாளை.யில் உள்ள யுவராஜ் சமுதாய கல்லூரி சார்பில் வெளியிடப்பட்டுள்ள அறிக்கை: தமிழ்நாடு திறந்தநிலை பல்கலைக்கழகத்தின் கீழ் மருந்தில்லா மருத்துவ முறையான அக்குபஞ்சர்,  அக்குபிரஷர் தெரபிஸ்ட் தொழிற்கல்வி பட்டயப் படிப்புகளுக்கான மாணவர் சேர்க்கை இம் மாதம் 30 ஆம் தேதி வரை நடைபெற உள்ளது.  10 ஆம் வகுப்பு தேர்ச்சி பெற்றவர்கள் சேரலாம். இதற்கான செய்முறைப் பயிற்சிகள் பாளையங்கோட்டை கிறிஸ்துராஜா மேல்நிலைப் பள்ளி அருகேயுள்ள யுவராஜ் சமுதாய கல்லூரி வளாகத்தில் சனி மற்றும் ஞாயிற்றுக்கிழமை நடத்தப்படும்.  தமிழ் மற்றும் ஆங்கில வழியிலும் இப் பாடங்களைப் பயில வாய்ப்புள்ளது. இதுதவிர வேலைவாய்ப்பு அளிக்கும் பல்வேறு வகையான பட்டயப்படிப்புகளுக்கும் மாணவர் சேர்க்கை நடைபெற்று வருகிறது என தெரிவிக்கப்பட்டுள்ளது.