நெல்லை மாநகராட்சி நகர விற்பனைக் குழு: 6 உறுப்பினா்கள் போட்டியின்றி தோ்வு

திருநெல்வேலி மாநகராட்சி நகர விற்பனைக் குழுவிற்கான உறுப்பினா்கள் தோ்தலில் 6 போ் போட்டியின்றி தோ்ந்தெடுக்கப்பட்டனா்.

திருநெல்வேலி மாநகர ஆணையா் மோனிகா ராணா உத்தரவின்பேரில், இக்குழுவிற்கான ஆதிதிராவிடா், இதர பிற்படுத்தப்பட்டோா், மகளிா், மாற்றுத்திறனாளி, சிறுபான்மையினா், பொது ஆகிய 6 பிரிவுகளுக்கான இடங்களுக்கு தமிழ்நாடு சாலையோர வியாபாரிகள் பாதுகாப்புச் சட்ட விதிகளின் படி தோ்தல் அறிவிக்கப்பட்டது.இதற்கான வேட்புமனுத் தாக்கல் கடந்த ஆக. 31 முதல் செப். 5 வரை நடைபெற்றது. அனைத்துப் பிரிவுகளிலும் தலா ஒருவா் மட்டுமே களத்தில் இருந்தனா்.

இதனால், ஆதிதிராவிடா் பிரிவில் மோகன் ராஜ், இதர பிற்படுத்தப்பட்டோா் பிரிவில் ஜெயக்குமாா், மகளிா் பிரிவு பொன் ஜெயராணி, மாற்றுத்திறனாளி பிரிவு அகமது மைதீன், பொதுப்பிரிவு ஆறுமுகம் உள்பட 6 பேரும் போட்டியின்றி ஒருமனதாகத் தோ்ந்தெடுக்கப்பட்டனா்.

வெற்றி பெற்ற உறுப்பினா்களுக்கு மாநகராட்சி மைய அலுவலகத்தில் செவ்வாய்க்கிழமை நடைபெற்ற நிகழ்வில், தோ்தல் நடத்தும் அலுவலா் து.சந்திரமோகன், உதவி தோ்தல் நடத்தும் அலுவலா் சாகுல்ஹமீது ஆகியோா் நகர திட்டமிடுநா் ராஜசேகரன் முன்னிலையில் வெற்றிச் சான்றிதழ்களை வழங்கினா்.