கோவில்பட்டி நகராட்சி அலுவலகத்தில் முற்றுகை

கோரிக்கையை வலியுறுத்தி அனைத்துத் தொழிற்சங்கத்தினர் மற்றும் வியாபாரிகள் கோவில்பட்டி நகராட்சி அலுவலகத்தில் புதன்கிழமை முற்றுகையிட்டனர். 
கோவில்பட்டி நகராட்சி தினசரி சந்தையில் வடக்கு மற்றும் தெற்கு பகுதியில் உள்ள வாயில்களை பிரதான சாலையை பார்த்து வைக்க நகராட்சி நிர்வாகத்தினர் முயற்சிப்பதாகவும், வாயிலை மாற்றி அமைக்க முயற்சிப்பதை தடுக்க வேண்டும் என்றும், நடைபாதை வியாபாரிகளின் வாழ்வாதாரத்தைப் பாதுகாக்க வேண்டும் எனவும் வலியுறுத்தி அனைத்து சாதி சமய நல்லிணக்க பண்பாட்டுக் கழகம் மற்றும் 5ஆவது தூண் நிறுவனர் தலைவர் சங்கரலிங்கம் தலைமையில், மாமன்னர் பூலித்தேவர் மக்கள் நல இயக்குநர் செல்லத்துரை, ஏ.ஐ.டி.யூ.சி. தொழிற்சங்க மாவட்டச் செயலர் தமிழரசன், ஐ.என்.டி.யூ.சி. தொழிற்சங்க மாவட்டப் பொதுச் செயலர் ராஜசேகரன், அமைப்பு சாரா அண்ணா தொழிற்சங்கத்தைச் சேர்ந்த ராமகிருஷ்ணன் உள்ளிட்டோர் நகராட்சி அலுவலகத்தில் முற்றுகையிட்டனர். பின்னர் கோரிக்கை மனுவை நகராட்சி ஆணையர் அச்சையாவிடம் வழங்கினர். 
இதுகுறித்து நகராட்சி ஆணையர் அச்சையா கூறியது: தினசரி சந்தையில் ஆக்கிரமிப்பு செய்வதைத் தடுக்கவும், பொதுமக்கள் மற்றும் வியாபாரிகளுக்கு எவ்வித பாதிப்பும் இல்லாமல் இருக்கவும், நடைபாதை வியாபாரிகள் வாழ்வாதாரம் வளர்ச்சியடையவுமே நடவடிக்கைகள் எடுக்கப்பட்டுள்ளன என்றார் அவர்.