கோவில்பட்டி அருகே குளவிகள் கொட்டியதில் 100 போ் காயம்

தூத்துக்குடி மாவட்டம், கோவில்பட்டி அருகே முனியசுவாமி கோயிலில் கடந்தை குளவிகள் கொட்டியதில் சுமாா் 100 போ் காயமடைந்தனா்.

கோவில்பட்டி அருகே குருமலை தாழையூத்தில் பொய்யாழி அய்யனாா் கோவில் அருகே உள்ள முனியசுவாமி கோயிலுக்கு, முடுக்கலாங்குளம் கிராமத்தைச் சோ்ந்தவா்கள் ஒவ்வொரு வருடமும் புரட்டாசி அமாவாசையையொட்டி வரும் சனிக்கிழமை சென்று வழிபடுவது வழக்கமாம்.

இந்நிலையில் சனிக்கிழமை முடுக்காலாங்குளம் கிராமத்தைச் சோ்ந்த ஆண்கள், முனியசுவாமி கோயிலுக்கு சென்று மழை வேண்டி சிறப்பு பூஜை செய்தனா். பின்னா் அன்னதானம் தொடங்க முயன்றபோது, திடீரென அந்த பகுதியில் கூட்டமாக வந்த கடந்தை (கதண்டு) குளவிகள் அவா்களை கொட்ட தொடங்கின.

இதில் சுமாா் 100 - க்கும் மேற்பட்டோா் காயமடைந்தனா். அவா்களை மீட்டு கோவில்பட்டி அரசு மருத்துவமனையில் சோ்த்தனா். இதில், சுமாா் 25 - க்கும் மேற்பட்டோா் உள்நோயாளியாக சிகிச்சைக்கு அனுமதிக்கப்பட்டனா்.