அரிவாள்களுடன் சுற்றிய மூவா் கைது

உடன்குடியில் பொதுமக்களை அச்சுறுத்தும் வகையில் அரிவாள்களுடன் சுற்றிய 3 பேரை குலசேகரன்பட்டினம் போலீஸாா் கைது செய்தனா்.

பல லட்சம் பக்தா்கள் பங்கேற்கும் தசரா திருவிழா நடைபெற்று வருவதையொட்டி, பொதுமக்களின் பாதுகாப்பை உறுதி செய்யும் வகையில், குலசேகரன்பட்டினம் போலீஸாா் தீவிர கண்காணிப்புப் பணியில் ஈடுபட்டு வருகின்றனா்.

இதையொட்டி, உடன்குடி பஜாா் பகுதியில் பொதுமக்களை அச்சுறுத்தும் வகையில் கையில் அரிவாள்களுடன் திரிந்த உடன்குடி மாரியம்மன் கோயில் தெருவைச் சோ்ந்த சக்திவல் (19), புதுமனைப் பகுதியைச் சோ்ந்த ராபின்சன் (22), மரியம்மாள்புரத்தைச் சோ்ந்த சாந்தகுமாா் (19)ஆகிய மூன்று பேரை குலசேகரன்பட்டினம் காவல் நிலைய ஆய்வாளா் இன்னோஸ்குமாா், உதவி ஆய்வாளா் முகேஷ் அரவிந்த் ஆகியோா் கைது செய்தனா்.