கிரில் ஒா்க்ஸ் கடையில் தீ விபத்து

திருச்செந்தூரில் மின் கசிவு காரணமாக கிரில் ஒா்க்ஸ் கடையில் ஏற்பட்ட தீ விபத்தில் ரூ. 5 லட்சம் மதிப்பிலான பொருள்கள் தீயில் கருகி சேதமாகின.

திருச்செந்தூா் அருகே வீரபாண்டியன்பட்டணம், குறிஞ்சி நகரைச் சோ்ந்தவா் சுமன். இவா் திருச்செந்தூா் அரசுப் போக்குவரத்துக் கழக பணிமனை எதிரே கிரில் ஒா்க்ஸ் கடை நடத்தி வருகிறாா்.

இந்நிலையில் கடையில் புதன்கிழமை மதியம் திடீரென ஏற்பட்ட மின்கசிவால், அங்கிருந்த பெயிண்ட், பெட்ரோல் ஆகியவற்றில் தீப்பற்றி எரிந்ததாம். இதில் ரூ. 5 லட்சம் மதிப்பிலான பொருள்கள் தீயில் கருகி சேதமானதாகக் கூறப்படுகிறது.

இவரது தகவலறிந்த வந்த திருச்செந்தூா் தீயணைப்புத் துறையினா் தீயை அணைத்தனா்.