ஸ்ரீ வெங்கடேஸ்வரபுரம் கோயிலில் கொடை விழா

சாத்தான்குளம் அருகே உள்ள ஸ்ரீ வெங்கடேஸ்வரபுரம் ஸ்ரீ சின்னப்பிள்ளை அம்மன் கோயிலில் கொடை விழா மூன்று நாள்கள் நடைபெற்றது.

முதல் நாளான கடந்த செவ்வாய்க்கிழமை மாலை 6 மணிக்கு திருவிளக்கு பூஜை, இரவு 9 மணிக்கு குடிஅழைப்பு, சிறப்பு பூஜை, 2ஆம் நாளான புதன்கிழமை காலை 7 மணிக்கு பொய் சொன்ன மெய்யப்பன் சாஸ்தா கோயிலில் இருந்து தீா்த்தம் , பேய்குளம் சங்கரன்கோயிலில் இருந்து பக்தா்கள் பால்குடம் ஆகியவை எடுத்து வருதல், அபிஷேக பூஜை, உச்சிகாலை பூஜை, அம்மன் மஞ்சள் நீராடுதல், அம்மன் கரகம் ஏற்றி உலா, மாலை 6 மணிக்கு பெண்கள் கும்மி அடித்தல், இரவு 8 மணிக்கு உண்டியல் காணிக்கை சிறப்பு பூஜை, பக்தா்கள் நேமிசம் எடுத்து வருதல், ஆயிரம் கண் பானை எடுத்தல், இரவு 12 மணிக்கு சிறப்பு அலங்கார பூஜை, மூன்றாம் நாளான வியாழக்கிழமை காலை 9 மணிக்கு பக்தா்கள் பொங்கல் வைத்தல், மதியம் 12 மணிக்கு சிறப்பு பூஜை, படைப்பு, தீபாராதனை, சுவாமி உணவெடுத்தல், விழா நிறைவு கொண்டாட்டம் நிகழ்ச்சி ஆகியன நடைபெற்றன.