கார் மோதி விவசாயி சாவு

வேலாயுதம்பாளையம் அருகே கார் மோதி விவசாயி இறந்தார்.
கரூர் மாவட்டம், கீழ்ஒரத்தையை சேர்ந்தவர் முத்துசாமி (75), விவசாயி. இவர் புதன்கிழமை காலை தோட்டக்குறிச்சியில் உள்ள மலையம்மன்கோயிலுக்கு தனது இருசக்கர வாகனத்தில் சென்றுவிட்டு வீடு திரும்பிக்கொண்டிருந்தார். அப்போது அங்குள்ள கரூர்-சேலம் தேசிய நெடுஞ்சாலையை கடந்த போது கரூரில் இருந்து சேலம் நோக்கிச் சென்ற கார் மோதி இறந்தார்.
இதுகுறித்த புகாரின்பேரில் வேலாயுதம்பாளையம் போலீஸார் வழக்குப்பதிந்து கார் ஓட்டுநர் தூத்துக்குடியைச் சேர்ந்த பாலாஜியிடம் (38) விசாரிக்கின்றனர்.