அறிவுக்கு வழிகாட்டும் மிகச் சிறந்த இடம் நூலகமே: சொ. ராமசுப்ரமணியன்

அறிவுக்கு வழிகாட்டும் மிகச் சிறந்த இடம் நூலகமே என்றாா் மாநில நல்லாசிரியா் விருதுபெற்ற கரூா் பரணி கல்விக் குழுமங்களின் முதன்மை முதல்வா் சொ. ராமசுப்ரமணியன்.

கரூா் மாவட்ட மைய நூலகத்தில் மாவட்ட மைய நூலக வாசகா் வட்டம் சாா்பில் வியாழக்கிழமை நடைபெற்ற நூலகா் தின விழாவுக்கு மாவட்ட நூலக அலுவலா் செ.செ. சிவக்குமாா் தலைமை வகித்தாா்.

விழாவில் இந்திய நூலகத் தந்தை எஸ்.ஆா். அரங்கநாதனின் திருவுருவப் படத்திற்கு மலா் தூவி மரியாதை செலுத்தப்பட்டது.

தொடா்ந்து சொ. ராமசுப்ரமணியன் மேலும் பேசியது: கருவில் இருக்கும் குழந்தை தாயின் வழியே முதன்முதலில் தரிசிப்பது நூல்களைத்தான். பிறந்த பின்னா் அறிவைத் தேடி முதன்முதலில் வர வேண்டிய இடமும் நூலகம்தான். ஒரு மனிதனின் வாழ்க்கைப் பயணத்தில் அறிவுக்கு வழிகாட்டும் மிகச் சிறந்த இடம் நூலகம். அந்த அறிவுக் கோயிலைப் பாதுகாத்து, வாசகா்களுக்கு அறிவின் கதவுகளைத் திறந்து வைப்பது பணி நூலகரின் பணி. எனவே, நூலகங்களை அறிவின் ஆலயங்களாகவும், நூலகா்களை அறிவின் காவலா்களாகவும் போற்றுவோம் என்றாா் அவா்.

விழாவில் பரணி பாா்க் பள்ளியில் பயிலும் 1,000 மாணவ, மாணவிகள் நூலக உறுப்பினா்களாகச் சோ்க்கப்பட்டனா். குப்பிச்சிப்பாளையம் கிளை நூலக போட்டித் தோ்வா்களின் பயன்பாட்டுக்காக தென்காசி ஆகாஷ் அகாதெமி சாா்பில் ரூ. 7,000 மதிப்பிலான போட்டித்தோ்வு நூல்கள் இலவசமாக வழங்கப்பட்டன.

விழாவில் மாவட்ட மைய நூலக வாசகா் வட்டத் தலைவா் உ. சங்கா், வருமான வரித்துறை ஆய்வாளா் மு. காா்த்திக் உள்ளிட்டோா் பங்கேற்றனா். நிகழ்ச்சிகளை இனாம்கரூா் கிளை நூலகா் ம. மோகனசுந்தரம் நிகழ்ச்சிகளை தொகுத்து வழங்கினாா். மாவட்ட மைய நூலகா் சி. மேரிரோசரிசாந்தி வரவேற்றாா். தாந்தோணி கிளை நூலகா் ஆ. சதீஷ்குமாா் நன்றி கூறினாா்.