ஆவுடையாா்கோவில் அருகே 1,100 கிலோ ரேஷன் அரிசி பறிமுதல்

புதுக்கோட்டை மாவட்டம், ஆவுடையாா்கோவில் அருகே சட்டவிரோதமாக கடத்திச் செல்லப்பட்ட 1,100 கிலோ ரேஷன் அரிசி பறிமுதல் செய்யப்பட்டது.

ஆவுடையாா்கோவில் மாவடி கோட்டை பகுதியில் வட்ட வழங்கல் அலுவலா், வருவாய் ஆய்வாளா் மற்றும் குடிமைப் பொருள் வழங்கல் குற்றப் புலனாய்வுப் பிரிவு போலீஸாா் இணைந்து சனிக்கிழமை வாகனத் தணிக்கையில் ஈடுபட்டனா்.

அப்போது, அந்த வழியே வந்த சரக்கு வாகனம் ஒன்றைச் சோதனையிட்டபோது, அதில் 1,100 கிலோ ரேஷன் அரிசி இருந்தது கண்டுபிடிக்கப்பட்டது. இதையடுத்து அரிசியைப் பறிமுதல் செய்த குழுவினா், வாகனத்தை ஓட்டி வந்த ஆறுமுகம் மகன் ராமச்சந்திரனைக் கைது செய்தனா்.