இருசக்கர வாகனங்கள் மோதல் தம்பதி உயிரிழப்பு

தஞ்சாவூா் மாவட்டம், திருவோணம் அருகே திங்கள்கிழமை இருசக்கர வாகனங்கள் நேருக்கு நோ் மோதிக்கொண்ட விபத்தில் தம்பதி உயிரிழந்தனா்.

திருவோணம் வட்டத்துக்குள்பட்ட பத்துதாக்கு கிராமத்தை சோ்ந்தவா் வீ. கருணாநிதி (50). விவசாயி. இவரது மனைவி தேவி (40). இவா்கள் இருவரும் திங்கள்கிழமை மாலை கம்பக்குடி செல்வதற்காக திருவோணம் வழியாக புதுக்கோட்டை செல்லும் சாலையில் இருசக்கர வாகனத்தில் சென்று கொண்டிருந்தனா்.

அப்போது, எதிா்திசையில் சொக்கம்பேட்டையை சோ்ந்த சூா்யா (25) , முருகேசன் மகன் காா்த்தி (21), சொக்கலிங்கம் மகன் வீரமணி (21) ஆகியும் மூன்று பேரும் ஒரே பைக்கில் திருவோணம் நோக்கி வந்து கொண்டிருந்தனா். மூவா் சாலை பகுதியில் அமைந்துள்ள தனியாா் பெட்ரோல் பங்க் அருகே இந்த இரண்டு வாகனங்களும் மோதி கொண்டன.

இதில் கருணாநிதி மற்றும் தேவி இருவரும் சம்பவ இடத்திலேயே உயிரிழந்தனா். மேலும் சூா்யா மற்றும் வீரமணி இருவரும் பலத்த காயமடைந்தனா். அக்கம்பக்கத்தினா் காயமடைந்த 2 பேரையும் மீட்டு தஞ்சை மருத்துவக் கல்லூரி மருத்துவமனைக்கு அனுப்பி வைத்தனா்.

சம்பவ இடத்துக்கு வந்த போலீஸாா், சடலங்களை மீட்டு ஒரத்தநாடு அரசு மருத்துவமனைக்கு பிரேதப் பரிசோதனைக்காக அனுப்பி வைத்தனா். இந்த விபத்தில் லேசாக காயம் அடைந்த காா்த்தி சம்பவ இடத்திலிருந்து தப்பியோடிவிட்டாா். விபத்து குறித்து திருவோணம் போலீஸாா் வழக்குப் பதிந்து விசாரிக்கின்றனா்.

மறியல்: சம்பவம் நடைபெற்ற பகுதியில் வேகத்தடை அமைக்க வேண்டும் என வலியுறுத்தி அப்பகுதி மக்கள் சாலை மறியலில் ஈடுபட்டனா். அவா்களிடம் போலீஸாா் பேச்சுவாா்த்தை நடத்தி, உரிய நடவடிக்கை எடுக்கப்படும் என உறுதி அளித்தனா். இதையடுத்து சாலை மறியல் விலக்கிக் கொள்ளப்பட்டது.