பாபநாசம் வட்டாரத்தில் பரவலாக கனமழை

பாபநாசம் வட்டாரப் பகுதிகளில் திங்கள்கிழமை மாலை சூறைக்காற்றுடன் பலத்த மழை பெய்தது.

பாபநாசம் மற்றும் சுற்றுவட்டார பகுதிகளில் கோடைக் காலம் முடிந்த பின்னரும் கடந்த சில நாள்களாகவே வெயிலின் தாக்கம் கடுமையாக நீடித்து வந்தது.

இந்நிலையில், திங்கள்கிழமை திடீரென வானில் கருமேகங்கள் திரண்டு இடி, மின்னலுடன் கூடிய பரவலான கனமழை பெய்தது. இதனால் வெப்பம் தணிந்து குளிா்ச்சியான சூழல் நிலவியதால் பொதுமக்களும் விவசாயிகளும் மிகுந்த மகிழ்ச்சி அடைந்தனா்.