ஸ்ரீரங்கம் கோயிலில் பக்தா்களிடம் கடுமை காட்டிய ஊழியா் பணியிடை நீக்கம்

ஸ்ரீரங்கம் அரங்கநாத சுவாமி கோயிலில் பக்தா்களிடம் கடுமையாக நடந்து கொண்ட ஊழியரை கோயில் நிா்வாகம் சனிக்கிழமை பணியிடை நீக்கம் செய்துள்ளது.

ஸ்ரீரங்கம் கோயிலில் புரட்டாசி மாதத்தையொட்டி காந்தி ஜெயந்தி விடுமுறை நாளான கடந்த 2 ஆம் தேதி பக்தா்கள் கட்டணத் தரிசனம், கட்டணமில்லா தரிசனத்தில் சுவாமியை வழிபட்டனா்.

அப்போது ரூ.100 கட்டண தரிசனத்தில் வழிபடவந்த பக்தா்கள் கைப்பேசி பண பரிவா்த்தனை மூலம் டிக்கெட் பெற முயன்றனா். அப்போது கோயில் ஊழியரான ப. சரவணக்குமாா் ‘சா்வா்’ வேலை செய்யவில்லை. பணம் கொடுத்து டிக்கெட் பெறுங்கள். பணமில்லையென்றால் நகருங்கள் என்று கடுமையாகக் கூறினாராம்.

இச்சம்பவம் குறித்த விடியோ இணையதளத்தில் வைரலாக பரவியது. இதையடுத்து கோயில் நிா்வாகம் சம்பந்தப்பட்ட ஊழியரை பணியிடை நீக்கம் செய்துள்ளது.