என்.டி.ஏ., சி.டி.எஸ்., தோ்வுகள்: வேலூரில் 417 போ் எழுதினர்

வேலூா் மாவட்டத்தில் மத்திய அரசுப் பணியாளா் தோ்வாணையம் (யுபிஎஸ்சி) நடத்திய என்.டி.ஏ மற்றும் சி.டி.எஸ் தோ்வுகளை 417 போ் எழுதினா்.

யுபிஎஸ்சி மூலம் தேசிய பாதுகாப்பு அகாதெமி மற்றும் கடற்படை அகாதெமி (என்டிஏ மற்றும் என்ஏ - 2) தோ்வு மற்றும் ஒருங்கிணைந்த பாதுகாப்புப் பணிகள் (சிடிஎஸ் -2) தோ்வு ஆகியவை நாடு முழுவதும் ஞாயிற்றுக்கிழமை நடைபெற்றது. இந்த தோ்வுகளை எழுத வேலூா் மாவட்டத்தில் இருந்து மொத்தம் 686 போ் விண்ணப்பித்திருந்தனா்.

தோ்வையொட்டி, அரசு முஸ்லிம் மேல்நிலைப் பள்ளி, டி.கே.எம். மகளிா் கல்லூரி, தந்தை பெரியாா் அரசு பொறியியல் கல்லூரி ஆகிய 3 தோ்வு மையங்கள் அமைக்கப்பட்டிருந்தன. இந்த தோ்வுகளை 417 போ் எழுதினா். 269 தோ்வுக்கு வரவில்லை.

தோ்வைக் கண்காணிக்க துணை ஆட்சியா் நிலையிலான அலுவலரைக் கொண்டு ஓா் இயங்கு குழு அமைக்கப்பட்டிருந்தது. தவிர, ஒவ்வொரு தோ்வுக் கூடத்திலும் 5 காவலா்கள் பாதுகாப்புப் பணியில் ஈடுபடுத்தப்பட்டிருந்தனா்.

இந்நிலையில், தந்தை பெரியாா் அரசு பொறியியல் கல்லூரியில் நடைபெற்ற தோ்வினை மாவட்ட ஆட்சியா் பி.எஸ்.லீலா அலெக்ஸ், தோ்வு கண்காணிப்பாளா் பி.கே.பிரசன்னகுமாா் ஆகியோா் நேரில் ஆய்வு செய்தனா்.