திருப்பரங்குன்றம் தீபத் தூணில் தீபம் ஏற்ற அனுமதிக்கக் கோரி ஆா்ப்பாட்டம்

நீதிமன்ற உத்தரவுப்படி, திருப்பரங்குன்றம் மலை உச்சியில் உள்ள தீபத் தூணில் தீபம் ஏற்ற அனுமதிக்கக் கோரி, கடலூா் மஞ்சக்குப்பத்தில் இந்து முன்னணி சாா்பில் ஞாயிற்றுக்கிழமை ஆா்ப்பாட்டம் நடைபெற்றது.

கடலூா் தலைமை அஞ்சல் நிலையம் அருகே நடைபெற்ற இந்த ஆா்ப்பாட்டத்துக்கு, இந்து முன்னணி மாவட்டத் தலைவா் சக்திவேல் தலைமை வகித்தாா். மாநிலச் செயலா் சனில்குமாா் கண்டன உரையாற்றினாா்.

ஆா்ப்பாட்டத்தில், திருப்பரங்குன்றம் மலை உச்சியில் உள்ள தீபத் தூணில் நீதிமன்ற உத்தரவுப்படி தீபம் ஏற்றுவதற்கு அனுதிக்கக் கோரியும், நீதிமன்ற தீா்ப்புகளை முறையாக அமல்படுத்துவதற்கும் தமிழக அரசு உரிய நடவடிக்கை எடுக்க வேண்டும் என்பன உள்ளிட்ட கோரிக்கைகள் வலியுறுத்தி முழக்கங்கள் எழுப்பப்பட்டன.

இதில், மாவட்ட துணைத் தலைவா் காா்த்திக், மாவட்டச் செயலா்கள் வெங்கடேசன், மணிகண்டன், சரவணன், செயற்குழு உறுப்பினா்கள் பிச்சைப்பிள்ளை, பெருமாள், ரவிச்சந்திரன், பெரியசாமி, திவாகா், பாஸ்கா், மாநகரச் செயலா் சிவக்குமாா் உள்ளிட்ட பலா் கலந்துகொண்டனா்.