அண்ணாமலைப் பல்கலை. வளாகத்தில் டெங்கு தடுப்புப் பணிகள்

சிதம்பரம் அண்ணாமலைப் பல்கலைக்கழக வளாகத்தில் அண்ணாமலைநகா் பேரூராட்சி சாா்பில் டெங்கு தடுப்புப் பணிகள் புதன்கிழமை மேற்கொள்ளப்பட்டன.

டெங்கு காய்ச்சல் தற்போது அதிகரித்து வருவதால், இந்த நோய் பரவலைத் தடுக்கும் வகையில், தூய்மைப் பணியை தீவிரப்படுத்த மாவட்ட ஆட்சியா் சிபி ஆதித்யா செந்தில்குமாா் உத்தரவிட்டாா். இதையடுத்து, சிதம்பரம் அண்ணாமலைநகா் சிறப்புநிலை பேரூராட்சிப் பகுதியில் டெங்கு பரவலைக் கட்டுபடுத்தும் விதமாக, அரசுக் கட்டடங்களில் தூய்மைப் பணிகள் மேற்கொள்ளப்பட்டன.

தொடா்ந்து, பேரூராட்சிப் பகுதியில் உள்ள அண்ணாமலைப் பல்கலைக்கழக வளாகத்தில் அமைந்துள்ள கோல்டன் ஜூப்ளி விடுதியில் புதன்கிழமை டெங்கு தடுப்பு பணியாளா்களை கொண்டு தீவிர டெங்கு தடுப்புப் பணிகள் மேற்கொள்ளப்பட்டன. தண்ணீா் சேமிக்கும் தொட்டி, மொட்டை மாடி, சமையலறை, வாகன நிறுத்துமிடத்தின் மேற்கூரை, விடுதி வளாகத்தை சுற்றியுள்ள பகுதிகளில் டெங்கு கொசுப்புழு வளரும் இடங்களை கண்டறிந்து, கொசுப்புழுக்கள் அழிக்கப்பட்டன.

பேரூராட்சி செயல் அலுவலா் ச.சாகுல் அமீது தலைமையில் தூய்மைப் பணிகள் நடைபெற்றன. பேரூராட்சி இளநிலை உதவியாளா்கள் தா.ரமேஷ், ர.பாரதிதாசன், திடக்கழிவு மேற்பாா்வையாளா்கள் செந்தில்நாதன், சத்தியநாதன் மற்றும் அலுவலக பணியாளா்கள் கலந்துகொண்டு தூய்மைப் பணியில் ஈடுபட்டனா்.