"தம்பி அர்ஜுனா' படத்தில் நடித்த பெரோஸ்கான் இயக்கும் படம் "பாசக்கார நண்பர்கள்'. அவரது மகன் அஜ்மல்கான் கதாநாயகனாக நடிக்கிறார். கதாநாயகியாக திவ்யாநாகேஷ் நடிக்கிறார். ராதாரவி, பாலாசிங், வெண்ணிற ஆடை மூர்த்தி உள்ளிட்டோர் முக்கிய பாத்திரங்கள் ஏற்கிறார்கள். படம் குறித்து பெரோஸ்கான் கூறியது, ""பள்ளி மாணவனின் லட்சியம்தான் கதை. தன் நண்பர்களுக்கு உதவி செய்யும் நோக்கத்தில் உலக அளவில் நடக்கும் குத்துச் சண்டை போட்டியில் கலந்து கொண்டு வெற்றி பெற நினைக்கிறான் ஹீரோ. ஆதரவற்ற நிலையில் இருக்கும் அவன் தன் லட்சியத்தை அடைய மேற்கொள்ளும் முயற்சிகளும், அதற்கு ஏற்படும் தடைகளை உடைத்தெறிவதும்தான் கதை. குத்துச் சண்டை பயிற்சியாளராக நான் நடிக்கிறேன். நம் நாட்டில் குத்துச் சண்டை பெரும் அளவுக்கு பிரபலம் அடையவில்லை. அதனை சொல்லி தரும் பயிற்சியாளர்களும் குறைவுதான். அஜ்மல்கான் இதற்காக பிரத்யேக பயிற்சிகளை எடுத்துள்ளார். ஹாலிவுட் தரத்துக்கு சண்டை காட்சிகளை உருவாக்கியிருக்கிறோம். காரத்தே பயிற்சியாளர் ஹூசைனியிடம் சிறப்பு பயிற்சி பெற்றார். மாணவர்களின் வலிமையை சொல்லும் திரைக்கதையாக இது அமைந்திருக்கிறது. மே 6-ம் தேதி படம் திரைக்கு வருகிறது'' என்றார் பெரோஸ்கான்.