நடிகர் ரஜினியின் வேட்டையன் திரைப்படத்தின் டப்பிங் பணிகள் நடைபெற்று வருகின்றன.

இயக்குநர் த.செ. ஞானவேல் ஜெய்பீம் படத்தின் மூலம் பெரிய கவனம் பெற்றார். தற்போது, நடிகர் ரஜினிகாந்த்தை வைத்து வேட்டையன் என்கிற படத்தை இயக்கி வருகிறார்.

இதில், நடிகர்கள் அமிதாப் பச்சன், ஃபஹத் ஃபாசில், ராணா டக்குபதி உள்ளிட்டோர் நடிக்கின்றனர்.

சில நாள்களுக்கு முன் மும்பையில் நடிகர்கள் ரஜினி, அமிதாப் பச்சனுக்கான காட்சிகள் படமாக்கப்பட்டு ரஜினிக்கான படப்பிடிப்பு முடிந்தது.

இந்த நிலையில், இப்படத்தின் டப்பிங் பணிகள் நடைபெற்று வருகின்றன. இதில், நடிகர் ஃபஹத் ஃபாசில் கலந்துகொண்டு தனக்காக வசனங்களைப் பேசி வருகிறார்.

வேட்டையன் வருகிற அக்டோபர் 10 ஆம் தேதி திரைக்கு வருகிறது.