இயக்குநர் த.செ. ஞானவேல் ஜெய்பீம் படத்தின் மூலம் கவனம் பெற்றார். தற்போது, நடிகர் ரஜினிகாந்த்தை வைத்து வேட்டையன் என்கிற படத்தை இயக்கியுள்ளார்.

இதில், நடிகர்கள் அமிதாப் பச்சன், ஃபஹத் ஃபாசில், ராணா டக்குபதி, துஷாரா விஜயன் உள்ளிட்ட பலர் நடித்துள்ளனர்.

இந்தப் படத்தின் படப்பிடிப்பு முழுவதுமாக முடிவடைந்து இறுதிக் கட்டப் பணிகள் நடைபெற்று வருகின்றன.

டப்பிங் பணிகள் மும்முரம்

இப்படம் அக்டோபர் 10 ஆம் தேதி தமிழ், தெலுங்கு, கன்னடம், ஹிந்தி மொழிகளில் திரைக்கு வருகிறது.

சமீபத்தில் நடிகர் ரஜினிகாந்த் தனது டப்பிங் பணிகளை தொடங்கியுள்ளதாக படக்குழு விடியோ வெளியிட்டுள்ளது.

ஏற்கனவே, ஃபகத் பாசில், துஷாரா உள்ளிட்ட படக்குழுனர் தங்களது டப்பிங் பணிகளை முடித்துவிட்டனர்.

முதல் பாடல்

இந்தப் படத்தை ரெட் ஜெயண்ட் வெளியிடுமென எதிர்பார்க்கப்படுகிறது.

இந்தப் படத்துக்கு அனிருத் இசையமைக்கிறார். ஜெயிலர் படத்தில் ஹுகும், காவாலா ஆகிய பாடல்கள் மிகவும் வரவேற்பை பெற்ற நிலையில் இந்தப் பட பாடல்களுக்கும் எதிர்பார்ப்பு எகிறியுள்ளது.

இப்படத்தின் முதல் பாடலான ‘மனசிலாயோ’ பாடல் செப்.9ஆம் தேதி வெளியாகும் என படக்குழு அறிவித்துள்ளது.