நடிகர் தனுஷின் குபேரா திரைப்படம் நல்ல வசூலை ஈட்டி வருகிறது.

குபேரா திரைப்படம் உலகம் முழுவதும் ஜூன் 20 வெளியானது. இப்படத்தில் தனுஷ் கதாபாத்திரமும் நடிப்பும் பலதரப்பு ரசிகர்களாலும் விமர்சகர்களாலும் பாராட்டுகளைப் பெற்றுள்ளது.

ஆனால், கதை ரீதியாக சில ஏமாற்றங்கள் ஏற்பட்டதால் இப்படம் தமிழில் எதிர்பார்த்த வரவேற்பைப் பெறவில்லை.

குபேரா தெலுங்கு ரசிகர்களிடம் வரவேற்பைப் பெற்றதுடன் அங்கு ரூ. 60 கோடிக்கும் அதிகமாக வசூலீட்டியுள்ளதாகக் கூறப்படுகிறது.

இந்த நிலையில், படம் வெளியான 4 நாள்களில் உலகளவில் இதுவரை ரூ. 100 கோடிக்கும் அதிகமாக வசூலித்துள்ளதாகத் தகவல்கள் தெரிவிக்கின்றன. ராயன் படத்தைத் தொடர்ந்து மீண்டும் தனுஷ் ரூ. 100 கோடி வசூலித்துள்ளது அவருடைய ரசிகர்களிடம் உற்சாகத்தை அளித்துள்ளது.

இதையும் படிக்க: என் படங்கள் திரைக்கு வருவதே போராட்டம்தான்: ராம்