300-க்கும் மேற்பட்ட திரைகளில் வெளியாகும் லீடர்!

லெஜண்ட் சரவணன் நடித்த லீடர் திரைப்படம் 300-க்கும் மேற்பட்ட திரைகளில் வெளியாகவுள்ளது.

லெஜண்ட் சரவணன் நடிப்பில் உருவான லீடர் திரைப்படத்தை துரை செந்தில்குமார் இயக்கியுள்ளார். இப்படத்தின் டீசர் சில நாள்களுக்கு முன் வெளியாகி ரசிகர்களிடம் நல்ல வரவேற்பைப் பெற்றதுடன் யூடியூபிலேயே 2 கோடி பார்வைகளைக் கடந்தது. மேலும், லெஜண்ட் சரவணனின் நடிப்பும் உடல்மொழியும் ஆச்சரியப்படுத்துவதாக பலரும் கருத்து தெரிவித்து வருகின்றனர்.

இப்படம் ஏப். 3 ஆம் தேதி வெளியாகவுள்ளதாக அறிவிக்கப்பட்டுள்ள நிலையில், முன்பதிவுகளும் விறுவிறுப்பாக நடைபெற்று வருகின்றன.

ஆச்சரியமாக, டீசருக்கு கிடைத்த வரவேற்பால் நிறைய திரையரங்கங்கள் இப்படத்தை வெளியிடுகின்றன. முக்கியமாக, தமிழகத்திலேயே லீடர் 300க்கும் மேற்பட்ட திரைகளில் வெளியாகவுள்ளது.

லெஜண்ட் திரைப்படத்தை ஒப்பிட கூடுதல் திரைகளில் லீடர் வெளியாகியுள்ளது. ஒருவேளை படம் நன்றாக இருந்தால் வசூலிலும் தாக்கத்தை ஏற்படுத்தும் என்றே தெரிகிறது.