மறைவுகள் 2024
ஹிந்துஸ்தானி பாரம்பரிய இசைக் கலைஞரும், பிரபல பாடகருமான உஸ்தாத் ரஷீத் கான் (55) புற்றுநோய்க்கு சிகிச்சை பெற்று வந்தபோது கொல்கத்தாவில் காலமானார்.
ஜன. 9: ஹிந்துஸ்தானி பாரம்பரிய இசைக் கலைஞரும், பிரபல பாடகருமான உஸ்தாத் ரஷீத் கான் (55) புற்றுநோய்க்கு சிகிச்சை பெற்று வந்தபோது கொல்கத்தாவில் காலமானார்.
ஜன. 25: பிரபல இசையமைப்பாளர் இளையராஜாவின் மகளும், தேசிய விருது பெற்ற பிரபல பாடகியுமான பவதாரணி (47) உடல் நலக் குறைவால் காலமானார்.
பிப். 15: திமுகவின் மூத்த தலைவரும், 2 முறை எம்எல்ஏ மற்றும் 5 முறை எம்.பி.யுமாக இருந்த திருவண்ணாமலை டி.வேணுகோபால் (92) உடல் நலக் குறைவு காரணமாக காலமானார்.
Advertisement
Advertisement
பிப். 21: இந்தியாவின் முன்னணி அரசமைப்புச் சட்ட நிபுணரும், முன்னாள் கூடுதல் சொலிசிட்டர் ஜெனரலுமான ஃபாலி எஸ் நாரிமன் (95) வயது மூப்பு காரணமாக காலமானார்.
மார்ச். 29: பிரபல தமிழ் திரைப்பட நடிகர் டேனியல் பாலாஜி (48) மாரடைப்பால் சென்னையில் உயிரிழந்தார்.
ஏப். 9: அதிமுக மூத்த தலைவரும், முன்னாள் முதல்வர் எம்ஜிஆர்-இன் நெருங்கிய நண்பருமான ஆர்.எம்.வீரப்பன் (97) வயது மூப்பு காரணமாக காலமானார்.
மே. 19: ஹெலிகாப்டர் விபத்தில் ஈரான் அதிபர் இப்ராஹிம் ரைசி (63) உயிரிழந்தார்.
மே. 24: இந்தியன் எக்ஸ்பிரஸ் குழுமத்தின் நிறுவனர் ராம்நாத் கோயங்காவின் மருமகள் சரோஜ் கோயங்கா (92) வயது மூப்பு காரணமாக சென்னையில் காலமானார்.
ஜூன். 8: உலகின் மிகப்பெரிய திரைப்பட தயாரிப்பு நிறுவனமான ராமோஜி ஃபிலிம் சிட்டி தலைவரும், பத்ம விபூஷண் விருது பெற்றவருமான செருகுரி ராமோஜி ராவ் (87) உடல் நலக் குறைவால் ஹைதராபாதில் காலமானார்.
ஜூன். 13: இஸ்ரோவின் முன்னாள் விஞ்ஞானி ஸ்ரீனிவாஸ் ஹெக்டே (71) மாரடைப்பால் உயிரிழந்தார். சந்திரனில் நீர் மூலக்கூறுகளைக் கண்டறிந்த இந்தியாவின் முதல் சந்திரயான் திட்டத்தின் இயக்குநராக இவர் இருந்தார்.
ஜூன். 30: இலங்கைத் தமிழரசுக் கட்சியின் திருகோணமலை எம்.பி. இராஜவரோதியம் சம்பந்தன் (91) கொழும்புவில் உடல் நலக் குறைவு காரணமாக காலமானார்.
ஆக. 8: மேற்கு வங்க முன்னாள் முதல்வரும், மார்க்சிஸ்ட் கம்யூனிஸ்ட் கட்சியின் மூத்த தலைவருமான புத்ததேவ் பட்டாச்சார்யா (80) வயது மூப்பு காரணமாக கொல்கத்தாவில் காலமானார்.
ஆக. 18: முன்னாள் ராணுவ தலைமைத் தளபதி சுந்தரராஜன் பத்மநாபன் (84) உடல் நலக் குறைவு காரணமாக சென்னையில் காலமானார்.
செப். 12: மார்க்சிஸ்ட் கம்யூனிஸ்ட் கட்சியின் பொதுச் செயலர் சீதாராம் யெச்சூரி (72) நுரையீரல் தொற்றால் பாதிக்கப்பட்டு, தில்லி எய்ம்ஸ் மருத்துவமனையில் காலமானார்.
அக். 9: டாடா குழுமத்தின் முன்னாள் தலைவரும், பிரபல தொழிலதிபருமான ரத்தன் டாடா (86) வயது மூப்பு காரணமாக காலமானார்.
நவ. 10: 400 திரைப்படங்களுக்கு மேல் நடித்த பிரபல குணச்சித்திர நடிகர் டெல்லி கணேஷ் (80) உடல் நலக் குறைவு காரணமாக காலமானார்.
டிச. 14: தமிழக காங்கிரஸ் முன்னாள் மாநில தலைவர் ஈ.வி.கே.எஸ்.இளங்கோவன் (75) உடல் நலக் குறைவால் காலமானார்.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News
உடனுக்குடன் செய்திகளை அறிய தினமணி App பதிவிறக்கம் செய்யவும்.
கருத்துகள்
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.