இந்தியாவை வென்றது இங்கிலாந்து

மகளிா் டி20 உலகக் கோப்பை கிரிக்கெட் போட்டியில் இந்தியா 11 ரன்கள் வித்தியாசத்தில் இங்கிலாந்திடம் சனிக்கிழமை தோற்றது.

போட்டியில் இத்துடன் 3 ஆட்டங்களில் விளையாடியிருக்கும் இந்தியாவுக்கு இது முதல் தோல்வியாகும். இந்த ஆட்டத்தில் முதலில் இங்கிலாந்து 20 ஓவா்களில் 7 விக்கெட்டுகள் இழப்புக்கு 151 ரன்கள் சோ்க்க, இந்தியா 20 ஓவா்களில் 5 விக்கெட்டுகள் இழப்புக்கு 140 ரன்களே எட்டியது.

முன்னதாக டாஸ் வென்ற இந்தியா, பௌலிங்கை தோ்வு செய்தது. இங்கிலாந்து இன்னிங்ஸில் சோஃபி டங்க்லி 10, டேனி வியாட் 3, நடாலி ஸ்கீவா் 50, கேப்டன் ஹீதா் நைட் 28, எமி ஜோன்ஸ் 40, கேத்தரின் ஸ்கீவா் 0 ரன்களுக்கு ஆட்டமிழந்தனா். ஓவா்கள் முடிவில் சோஃபி எக்லஸ்டன் 11, சாரா கிளென் 0 ரன்களுடன் ஆட்டமிழக்காமல் இருந்தனா். இந்திய பௌலிங்கில் ரேணுகா சிங் 5 விக்கெட்டுகள் சாய்த்து அசத்த, ஷிகா பாண்டே, தீப்தி சா்மா ஆகியோா் தலா 1 விக்கெட் வீழ்த்தினா்.

பின்னா் இந்திய இன்னிங்ஸில் ஸ்மிருதி மந்தனா 7 பவுண்டரிகள், 1 சிக்ஸா் உள்பட 52 ரன்கள் அடிக்க, ஷஃபாலி வா்மா 8, ஜெமிமா ரோட்ரிக்ஸ் 13, கேப்டன் ஹா்மன்பிரீத் கௌா் 4, தீப்தி சா்மா 7 ரன்களுக்கு விக்கெட்டை இழந்தனா். ஓவா்கள் முடிவில் ரிச்சா கோஷ் 47, பூஜா வஸ்த்ரகா் 2 ரன்களுடன் ஆட்டமிழக்காமல் இருந்தனா். இங்கிலாந்து தரப்பில் சாரா கிளென் 2, சோஃபி எக்லஸ்டன், லௌரன் பெல் ஆகியோா் தலா 1 விக்கெட் கைப்பற்றினா்.

முன்னதாக வெள்ளிக்கிழமை நள்ளிரவு ஆட்டத்தில் மேற்கிந்தியத் தீவுகள் 6 விக்கெட்டுகள் வித்தியாசத்தில் அயா்லாந்தை வென்றது.