100வது டெஸ்ட் போட்டியினை விளையாடிய இரண்டு நியூசிலாந்து வீரர்களுக்கு ஐசிசி சிறப்பு போஸ்டரை வெளியிட்டது.

சமீபத்தில் தென்னாப்பிரிக்காவுக்கு எதிரான போட்டிகளில் நியூசிலாந்து அணியின் கேப்டன் கேன் வில்லியம்சன் சிறப்பாக விளையாடினார். அவர் கடைசியாக விளையாடிய 7 போட்டிகளில் 7 சதம் அடித்து அசத்தினார். சமீபத்தில் கேன் வில்லியம்சன்-சாரா ரஹும் தம்பதிக்கு பெண் குழந்தை பிறந்தது.

தற்போது ஆஸ்திரேலியாவுடன் டெஸ்ட் தொடரில் விளையாடி வருகிறது நியூசிலாந்து. இந்தப் போட்டியில் கேன் வில்லியம்சன், டிம் சௌதி இருவருக்கும் 100வது டெஸ்ட் போட்டி என்பது குறிப்பிடத்தக்கது. இதற்காக ஐசிசி சிறப்பு போஸ்டரை வெளியிட்டுள்ளது.

முதலில் பேட்டிங் செய்த நியூசிலாந்து 162க்கு ஆல் அவுட்டானது. அதிகபட்சமாக டாம் லாதம் 38 ரன்கள் எடுத்தார். ஆஸி. சார்பாக ஹேசில்வுட் 5 விக்கெட்டுகள் எடுத்து அசத்தினார். ஸ்டார்க் 3, கிரீன் 1 விகெட்டும் எடுத்தனர். அடுத்து விளையாடிய ஆஸி. முதல் நாள் முடிவில் 124/4 ரன்கள் எடுத்துள்ளது.

100வது போட்டியில் வில்லியம்சன் 17க்கும் சௌதி 26 ரன்னுக்கும் ஆட்டமிழந்தார்கள். கடந்த வியாழக்கிழமை (மார்ச்.7) இந்திய வீரர் அஸ்வின் தனது 100வது டெஸ்டினை விளையாடி வருகிறார்.

2010ஆம் ஆண்டு டெஸ்டில் அறிமுகமாகிய வில்லியம்சன் 8,692 ரன்கள் எடுத்துள்ளார். 32 சதங்கள், 33 அரைசதங்கள், 6 இரட்டை சதங்கள் இதில் அடங்கும். ஐசிசியின் டெஸ்ட் பேட்டர் தரவரிசிசையில் முதலிடம் வகிக்கிறார்.

2008இல் டெஸ்ட்டில் அறிமுகமான டிம் சௌதி 378 விக்கெட்டுகளை எடுத்துள்ளார். இந்தப் போட்டியில் டிம் சௌதி கேப்டன் என்பது குறிப்பிடத்தக்கது.